Од снованя по нєшка Завод за културу войводянских Руснацох ше през дарунки и финансийну потримовку гевтих котри дзелєли нашу визию розвива до динамичного, инспиративного места котре повязує култури, прешлосц и людзох терашньосци. Потримовка Вас, дарежлївих, дружтвено одвичательних поєдинцох, ґрупох и подприємствох и далєй ма виталну важносц за Завод. Наш найвекши сон и найвикша финансийна спокуса то посцигованє и широка препознатлївосц и доступносц одличносци найширшому подручу култури войводянских Руснацох.
Же бизме витворели тот сон, вашо донациї укладаме до звекшаня доступносци артефактох и информацийох котри чуваме, инспиративни вистави и провадзаци програми у Заводзе и звонка нього, креированя змистох на дружтвених мрежох, роботньох за дзеци и младих, нових виглєдованьох, збогацованя збиркох з новима предметами, библиотекох з новима кнїжками, презентациї нових и старих ґенерацийох уметнїкох, виводзачох, орґанизациї явних дебатох о темох котри важни за културу рускей заєднїци и мултикултуралносц у Войводини, конзервациї и реставрациї предметох зоз збиркох, диґитализациї културного нашлїдства и ище вельо того.
Кед жадаце донировац средства за проєкти, або каждодньово активносци и програми, можеце то зробиц з уплату на динарски рахунок 160-498207-31 у банки Интези, як и на девизни рахунох 00-585-00000226 у банки Интези, Завод за културу войводянских Руснацох, Футожска 2/3, 21101 Нови Сад, ПИБ 105768988, з назначеньом «За донациї». За «in-kind» донациї и шицки догварки у вязи з можлївосцу цильованого укладаня средствох до змистох и наменох котри Ви вибереце, пишце на мейл zavod.rusini@gmail.com.
Донируюци Заводу, даруюце цалей заєднїци!
Дзекуюци потерашнїм донатором удало нам ше реализовац велї активносци и проєкти, намагаюци ше посцигнуц свойо цилї.
